mælifellsdalur, here I come!

 

góðan daginn góðir hálsar, og búk-restar.

núna er kominn fimmtudagur og þar af leiðandi aðeins örstutt stund í að laugardagurinn líta dagsins ljós. en Skagafjarðarrallið hefst þann ágæta dag um 9 leitið á staðaltíma.

kraftaverkahlutir hafa gerst á undanförnum vikum í cherokee og mætti bíllinn tilbúinn í keppni (eða svo til) í keppnisskoðun í dag sem ótrúlega fallega bleikur pickup. Hann er svo yndislega mikið barbí að það er æði. mig langar mest til að kúra í honum þangað til að keppnin hefst.. en körfustólar eru ekki góðir svefnstaðir svona í lengri tíma. haha.

góði fallegi maðurinn minn á allan heiður skilinn af verkinu að vanda ásamt einstaklega fríðu föruneiti sem hafa lagt hönd á plóg í endurbyggingu bílsins. allt frá því að rífann og þrífa eftir veltuna, smíða pallinn, spasla, mála, skipta um rúðu og endalaust er hægt að telja.

ég hlakka endalaust til að fara norður. mælifellsdalurinn er mín uppáhaldsleið, allavegna sem kóari og vonandi sem keyrari líka. ég hef pantað mjög gott veður og vonandi gengur það upp eins og á snæfellsnesinu um daginn. ég hef ákveðið að láta "sigra heiminn" þemað mitt úr síðasta ralli á hilluna og koma bilnum all svakalega heilum í mark klukkan 16:30 á laugardaginn. þetta verður tekið í jólagírnum með bros allan hringinn:)  eftir rallið er svo matur og ball með bandinu BUFF á eftir svo ekki spillir það fyrir!

17 áhafnir eru skráðar í leikinn og þar af erum við 4 í jeppaflokki sem er 3 meira en ég bjóst við. en enginn jeppi var í síðasta ralli um snæfellsnesið og ég var farin að halda að ég yrði alein á sauðárkróki en svo er ekki. Himmi sem er íslandsmeistari í flokknum síðan í fyrra mætir auk Úlla og Hvata sem ég hef heyrt talað um í gegnum tíðina en aldrei séð, en þeir koma á pæjeró. hvíti cherokeeinn er svo fjórði bíll. gaman gaman

ég segi bara við BREAK A LEG til áhafnanna í rallinu!

hlakka til að sjá ykkur á króknum:)

Ásta Sigurðardóttir

 

 

Athugasemdir

[Elvar Örn Reynisson, 24.7.2008 kl. 10:05]

hehe, ég held að myndavélin mín sé með bleika filtervörn þannig að ég næ sjálfsagt bara dekkjunum :)

 gangi ykkur vel/brake a leg....